А+

А

А-

Лат

Дүнјанын буҝүнкү гадыны өрнәк истәјир. Әҝәр онун өрнәји Зејнәб (ә) вә Фатимеји-Зәһра (с) олса, иши дүзҝүн анламагдан, мөвгеләри дәрк етмәкдә сајыглыгдан, Аллаһын инсанларын өһдәсинә гојдуғу бөјүк вәзифәни јеринә јетирмәк үчүн фәдакарлыг ҝөстәрмәклә вә һәр шејиндән кечмәклә бирҝә олса да, ән јахшы ишләри сечмәкдән ибарәт олаҹаг. Өрнәји Фатимеји-Зәһра (с), јахуд Зејнәби-Күбра (ә) олан мүсәлман гадын беләдир. Әҝәр гадын дәбдәбәчилик, ејш-ишрәт, өтәри һәвәсләр, көксүз вә тәмәлсиз дујғулара тәслим олмаг фикриндә олса, о јолу ҝедә билмәз. Һөрүмчәк тору кими јолчу бир инсанын ајағына долашан бу бағлылыглары ҝәрәк өзүндән узаглашдырыб, о јолу ҝедә билсин.
Зејнәб (ә) өрнәкдир. Зејнәб (ә) елм вә билҝидән узаг бир гадын дејилди. Ән јүксәк елмләр, ән уҹа вә тәмиз билҝиләр онун әлиндә иди.

Өрнәк тәгдим етмәк - әҹнәби мәдәнијјәтин тәсиринә манеә
Бизим ҹәмијјәтимиздә мүһүм чатышмазлыглардан бири мүсәлман гадынын өрнәјинин мүәјјән олунмамасы олмушдур. Бу чатышмазлыг сәбәбиндән әҹнәби мәдәнијјәтләр бизим ҹәмијјәтимиздә узун мүддәт мејдан суламышдыр.

Ајдын өрнәјин олмамасы әҹнәби мәдәнијјәтләрә тәмајүлүн амили кими
Дүнјанын сәнаје өлкәләри Әфганыстан, Мисир, Ираг, әрәб вә гејри-әрәб олан диҝәр мүсәлман өлкәләринин кечмиш тәҹрүбәләринә әсасән, Исламы әсас тәһлүкә һесаб етдиләр. Мәдәни, игтисади вә иҹтимаи истисмарчылыгла ҹәмијјәтин гадынларыны тарихи бир сынагла үз-үзә гојдулар. О, гадынын һиҹабына әл узатмаг вә онларда иффәт мәдәнијјәтини дәјишдирмәк иди. Бу мәрһәләдә ҝөрдүк ки, мүсәлман гадын намаз гылырды, оруҹ тутурду, зијарәтә ҝедирди, амма һиҹабсыз иди. Чүнки мүсәлман гадынын вә Гуранын нәзәрдә тутдуғу гадынын ајдын өрнәјини мүәјјән етмәмишдиләр.

Гадынларын Ислам өрнәји әсасында јетишдирилмәси
Әҝәр Ислам ҹәмијјәти гадынлары Ислам өрнәјиндә јетишдирә билсә, јәни Зәһра (с) өрнәјиндә, Зејнәб (ә) өрнәјиндә, дүнјаны вә тарихи өз тәсири алтына сала биләҹәк әзәмәтли гадынлар өрнәјиндә јетишдирә билсә, о заман гадын өзүнүн һәгиги уҹа мәгамына наил олаҹаг.

Ајәтуллаһ Сејид Әли Хаменеи

12345