Шрифт өлчүсү:

28 Мај 2016

Доғрудан да, әбәди ахирәти беш ҝүнлүк дүнјаја сатмаг ағылсызлыг оларды.

Дүнјаны таныдыгдан, онун мүвәггәтилијини билдикдән сонра әбәди ахирәти бу өтәри дүнјаја сатмаг олармы?! Арашдырма апаран һәр бир инсан бу мүамиләнин зәрәр олмасы гәнаәтинә ҝәләсидир. Доғрудан да, әбәди ахирәти беш ҝүнлүк дүнјаја сатмаг ағылсызлыг оларды.
Мараглыдыр ки, инсанын ҝөрүб ешитмәси илә онун гәлби арасында нә кими әлагә вардыр? Һәзрәт Әли (ә) кечмишдәкиләрин башларына ҝәләнләри ешидиб ҝөрмәји төвсијјә едирсә, демәк, бу иш гәлб үчүн чох тәсирлидир. Етираф етмәлијик ки, бу бағлылығы олдуғу кими дәрк етмәкдә аҹизик.
Һәзрәт Әли (ә) кечмишдәкиләрин агибәтини өјрәнмәјимизи тапшырыр. Олсун ки, бу төвсијјәнин нәтиҹәсиндә дүнјанын өтәрилијини, өлүмүн лабүдлүјүнү дәрк етмәлијик. Беләҹә, инсан бүтүн диггәтини јола јох, мәгсәдә јөнәлтмәлидир. Она ҝөрә дә кечид јерини јох, мәнзили абад етмәк тапшырылыр. Инсан бу дүнјада мүсафир кимидир. Дүнја кечид, ахирәт исә мәнзилдир. “Ахирәтини дүнјаја сатма”. Гәлбин абадлашдырылмасы ҝөстәришини алан адама санки јол ҝөстәрилир ки, бу иш ҝөз вә гулаг васитәси илә јеринә јетирилмәлидир. Чүнки гәлбә тәсир ҝөстәрән ҝөзүн ҝөрдүјү вә гулағын ешитдијидир. Ҝөз фајдалы сәһнәләр ҝөрсә, гулаг фајдалы сөзләр ешитсә, гәлб дә абад олар. Ибрәтамиз сәһнәләрин мүшаһидәси, ибрәтамиз сөзләр динләмәк гәлби ислаһ едир.