18 Мај 2016
ИЛАҺЫ МӘҺӘББӘТ ВӘ ҜӨЗ ЈАШЛАРЫ
"Пәрвәрдиҝара, сән јахшы билирсән ки, мән нә ҹәһәннәм горхусундан, нә дә беһишт шөвгүндән ағлајырам"
Илаһи мәһәббәт јолуна гәдәм гојмуш инсан илк өнҹә Аллаһ горхусундан ҝөз јашлары ахытмалы, өтән ҝүнаһларындан өтрү нараһат олмалыдыр. Инсан ағлајыб, камил төвбә етмәдән гәлби чиркинликләрдән вә ҝүнаһлардан тәмизләнмәз. Ҝөз јашлары бүтүн ҝүнаһ чиркабыны јумаг ҝүҹүндәдир.Һәзрәт Шүејб һаггында билдирирләр ки, о, узун илләр ағлады вә ҝөзләри кор олду. Аллаһ-тәала она вәһј етди: “Еј Шүејб, нә үчүн бу гәдәр ағлајырсан? Әҝәр мәним әзабымдан горхурсанса, мән ҹәһәннәми сәнә һарам етдим. Әҝәр беһишт шөвгүндән ағлајырсанса, мән беһишти сәнин ихтијарына гојдум.” Һәзрәт Шүејб әрз етди: “Пәрвәрдиҝара, сән јахшы билирсән ки, мән нә ҹәһәннәм горхусундан, нә дә беһишт шөвгүндән ағлајырам. Мәни ағладан Сәнинлә ҝөрүш шөвгүдүр.” Аллаһ-тәала бујурду: “Дүз дедин, бундан сонра өз һәмсөһбәтим Кәлими сәнә хадим етдим.” Бу вахт һәзрәт Муса Мисирдән гачды вә Шүејбин јанына ҝәлди. О Шүејбин гызларындан бири илә евләнди вә мүгавилә бағлады ки, он ил орада галаҹаг вә Шүејбә хидмәт едәҹәк. Бәли, Шүејб он ил илаһи ешглә ағлајыб кор олдугдан сонра Аллаһ өз Кәлимини (Мусаны) она хидмәтчи гәрар верди. Шүејб илаһи ешг сајәсиндә белә бир ләјагәтә наил олду. Муса кими бир пејғәмбәр он ил мүддәтиндә Шүејбин хидмәтиндә дајанды. Бәлкә дә, елә Шүејбә хидмәт сәбәбиндән пејғәмбәрик мәгамына наил олду. Бәли, Аллаһ достлары аз ҝүлүр вә чох ағлајырлар.
