16 May 2016
Tez ölmək yox, ölümə hazır olmaq yaxşıdır!
Hacı İsmail Dulabinin tövsiyələrindən
Böyük əxlaq ustadı Mirza İsmail Dulabinin ölümündən qabaq tövsiyələri var. Ustad buyurur:İşin düyünə düşsə, bil ki, Allahdandır. Xəlvətə çəkil, de ki, mənimlə nə işin vardı? Kimin işi düyünə düşsə, bilsin ki, yar tərəfindəndir.
İbadət və ziyarətlərini növbəti ibadət və ziyarətlərinə qədər hifz et. Pis işə, pis sözə, dava-dalaşa yol vermə. Bir ibadəti o birinə salamat çatdır. Belə etsən daim ibadət və ziyarət halında olarsan.
Keçmiş keçib, gələcək hələ gəlməyib. Qəm-qüssə keçmişlə gələcəyindir. Bu günü düşün.
Ölümü qəbul etsən qəm-qüssəyə sondu. Həzrət Əzraillə dost olsan qəm-qüssən azalacaq. Tez ölmək yox, ölümə hazır olmaq yaxşıdır!
Vilayet.info
