10 Yanvar 2016
Riyazın süqutu proqnozlaşdırılır
Rusiya yəhudisi, İsrail və Yaxın Şərq üzrə ekspertin etirafı
Yaxın Şərq İnstitutunun (əvvəllər İsrail və Yaxın Şərq İnstitutu) prezidenti, Rusiya yəhudisi Yevgeni Satanovski Səudiyyə Ərəbistanının süqutunu proqnozlaşdırır (fna.ir). İsrailyönlü və adətən sionist rejimin mənafelərindən çıxış edən Satanovski etiraf edib ki, Tehran-Riyaz qarşıdurması Səudiyyə Ərəbistanının süqutu ilə başa çatacaq.Satanovski deyib: Ərəbistan varlı olsa da, Amerika tərəfindən himayə edilsə də İrana məğlub olacaq. İran ciddi bir ölkədir və İranla qarşıdurmada sərvət və çevrə Ərəbistana kömək etməyəcək. Əgər birbaşa münaqişə yaransa, İranın məntəqədə kifayət qədər müttəfiqi var. Amma Amerikanın himayəsinə ümid edən Riyaz aldana bilər. Amerikanın dəstəyi təxəyyüldən başqa bir şey deyil.
Yada salaq ki, Səudiyyə Ərəbistanı yanvarın 2-də ölkənin şiə lideri Ayətullah Nimr Baqir Ən-Nimr daxil olmaqla 47 nəfəri edam edib. Bundan sonra İranda Səudiyyə Ərəbistanının səfirliyi və konsulluğu hücuma məruz qalıb. Riyaz İranla diplomatik əlaqələri kəsib, gərginlik davam edir.
Vilayet.nuraz.in
