27 Сентјабр 2015
Гајыдыш
Еј Аллаһла әһд-пејман бағлајан, еј Ибраһим давамчысы! Өз өлкәни ҹәһаләтдән чыхар!
Еј һаҹы! Инди јолун һарадыр? Јохса ҝәлдијин дүнјаја гајыдырсан? Еј рәмзлә Ибраһимин ролуну ифа едән! Әҝәр актјор әсәрдә ојнадығы рола там дахил ола билирсә, сәһнә баша чатдыгдан сонра да бу ролдан чыха билмир. Ојнадығы ролун тәсириндән өз кечмиш һәјаты илә видалашан актјорлар олуб. Сән исә садәҹә рол ојнамырдын. Елә әввәлҹәдән Ибраһим олмаг мәгсәди варды. Кәбәни ҹисмән тәрк етсән дә, руһән ондан ајрылма! Еһрам либасыны сојунсан да, руһун еһрам һалындан чыхмасын.İсмаилинлә Мәккәјә гајыт! Еј ибраһими, еј бүт сындыран, силаһы јерә гојма. Ҝир ҹәһаләт аловунун ичәрисинә. Сән халгы ҹәһаләтдән хилас етмәлисән. Бил ки, төвһид Аллаһы нәмрудларын одуну ибраһимиләрә ҝүлзар едир. Сән халгын боғазындан залымларын гылынҹыны галдырмалысан. Амма ҹәлладларын әлиндән гылынҹы алмаг үчүн. Исмаилини гурбан кәсмәји баҹармалысан. Инан ки, Исмаилин гурбан кәсилмәсинә Аллаһ разы олмајаҹаг. Мәгсәд сәнин фәдакарлығыны имтаһана чәкмәкдир.
Ибраһим инди сәнин дурдуғун мәгама чатдығы вахт чох бөјүк имтаһанлар вермишди. О, фәрдијјәтдән ҹәмијјәтә, бүтјонан аиләнин өвладлығындан пејғәмбәрлијәдәк јол кечмишди. О, өмрүнүн пир вахтында Исмаилллә бирҝә Кәбә евинин диварларыны галдырмалы иди. Ибраһим оддан, Исмаил исә гурбанлыгдан кечмишди. Инди исә һәр икиси азадлыг, ешг евинин уҹалдылмасына мәшғул идиләр.
İбраһим мәгамы! Инди сән бу мәгамда дурмусан. Бу нөгтә Ибраһим мераҹынын зирвәсидир. О, әзаб-әзијјәтләрдән, оддан-аловдан кечиб, Исмаилини гурбан кәсмәјә һазыр олду! Инди исә өзү вә оғлу үчүн јох, халг үчүн, тәгиб олунанлара сығынаҹаг үчүн ев тикир. Бу иш зүлмәтдән мәшәл галдырмаг, зүлмүн гојнундан фәрјад гопармагдыр!
Кәбә еви Аллаһын аиләси олан мәзлум халг үчүн сығынаҹагдыр. Јер үзү ҹәһаләтә бүрүндүјү бир вахтда сән Ибраһимин ролунда Аллаһла бејәт етмисән! Инди Ибраһим кими јашамалы, өз әсринин иман Кәбәсини уҹалтмалы, милләтини ҹәһаләт јухусундан ојадыб һәгигәтә чағырмалысан!
Еј Аллаһла әһд-пејман бағлајан, еј Ибраһим давамчысы! Өз өлкәни ҹәһаләтдән чыхар! Әсрини һәрәкәтә ҝәтир! Бүтүн јер үзүнү Аллаһ үчүн сәҹдәҝаһ гәрар вер! Һәләки белә дејил!
