Шрифт өлчүсү:

11 Сентјабр 2015

Бу сөзүн мәнасы о дејил ки...

Инсаны өзүнә гул вә мүти етмиш һәр бир шәхс вә һәр бир шеј онун танрысыдыр. Һејвани һәвәс вә мејлләр, бәшәри еһтираслар вә тамаһкарлыглар, иҹтимаи системләр, мүгавиләләр, онларын мүәллифләри вә башчылары - бунларын һәр бири инсаны бир нөв хидмәтә вадар вә һәр бири она бир нөв танрылыг едирләр.
"Ла илаһә илләллаһ" сөзү бүтүн бу һакимијјәтләрин инкары вә тәшәһһүд намаз гыланын бу инкара шәһадәт вермәсидир. Јәни намаз гылан гәбул едир вә өһдәлик ҝөтүрүр ки, она һакимијјәт вә танрылыг һаггы олан јалныз јеҝанә Аллаһдыр вә онларын һеч биринин онун үзәриндә һеч бир һөкмранлыг һүгугу јохдур.
Буну гәбул едән шәхсин өзүнүн дә һеч бир башга варлығы – инсаны, һејваны, мәләји, ҹисми, өз нәфсини вә еһтирасларыны танры кими гәбул етмәјә, онун итаәтинә вә бәндәлијинә разылашмаға һаггы ола билмәз. Бу сөзүн мәнасы о дејил ки, тәкаллаһлы инсан һеч вахт иҹтимаи өһдәлик ҝөтүрмүр, һеч бир гануну, јахуд һакими гәбул етмир. Чох ајдындыр ки, инсанын маһијјәтинә әсасән, иҹтимаи јашајыш үчүн өһдәликләр мүтләг лазымдыр. Мәнасы будур ки, Аллаһын фәрманындан гајнагланмајан һеч бир һөмкранлығы вә гурулушу гәбул етмир вә она дөзмүр. Өзүнүн фәрди вә иҹтимаи һәјатында Аллаһын фәрманына гулаг асыр. Бәзән Аллаһын фәрманы илә вә Аллаһын ҹәмијјәтин идарәси үчүн тәјин етдији фәрманын тәләбинә ујғун олараг, кимләрәсә итаәт етмәси вә өһдәликләрә бојун әјмәси лазым олур. Демәли, итаәт вә өһдәлик үмуми јашајышын характеринә ҝөрә тәкаллаһлы инсанын һәјатындан да ајрылмыр. Лакин бу итаәт өзүнүн азғын нәфсинин истәкләринә, јахуд онун өзү кими олан инсанларын тәкәббүрлүлүјүнә вә егоистлијинә итаәт дејил, Ҝөрән вә Һикмәтли Аллаһын ирадәсинә вә фәрманына итаәтдир. Чүнки иҹрасы лазым олан ганунлары вә итаәти ваҹиб лазым олан һакимләри мүәјјән едән Одур. Онлар да Онун бәндәләринә јалныз Онун фәрманы чәрчивәсиндә фәрман верирләр.

Ајәтуллаһ Хаменеи

Vilayet.nur-az.com