Шрифт өлчүсү:
А+
А
А-
16 Ијун 2019

Әнсаруллаһ: Әрәбистанын дахилиндә бөјүк мүһарибә баш верәҹәк

Јәмән ордусунун Әрәбистанын тәҹавүзүнә ҹаваб олараг дүшмән мөвгеләринә гаршы ракет вә ПУА һүҹумларыны артырмасы илә јанашы Әнсаруллаһ Һәрәкатынын Сијаси Офисинин үзвү Мәһәммәд Насир әл-Бухәјти өз фејзбук сәһифәсиндә јазыб: “Даһа бөјүк мүһарибә баш верәҹәк.”

Мәһәммәд әл-Бухәјти әлавә едиб: “Јәмән халгынын һаггы вардыр ки, дүшмәнә өз әразисиндә һүҹум етсин вә өз мадди зијанларынын әвәзини чыхсын.”
Сијаси офисин үзвү јәмәнли гәбиләләрдән истәјиб ки, һүҹум башладығы сурәтдә үмуми вә хүсуси әмлак арасында фәрг гојсунлар. 

“Әл-Гудс әл-әрәби” гәзетинин јаздығына ҝөрә, Әл-Бухәјтинин бу сөзләри мүһарибә балансынын һусиләрин хејринә дәјишдијини вә онун мүдафиә мөвгеиндән һүҹум мөвгеинә кечмәсини ҝөстәрир. 4 илдән сонра һүҹумчу Әрәбистан инди мүдафиә мөвгеиндә дајаныб.
Һәрби мәнбәләрдән бири дејиб ки, һусиләрин һәрби ҝүҹүнүн артмасынын вә Јәмән бөһранынын бу мәрһәләсиндә Әрәбистанын тәһгир олмасынын сәбәби мүһарибәнин узанымасыдыр. Һәрби мәнбә әлавә едиб ки, һусиләр мүһарибә вә мүһасирәнин узанымасындан истифадә едәрәк өз һәрби ҝүҹләрини ҝенишләндирдиләр. Әрәбистан бүтүн имканларыны имтаһан етди, амма индијә кими уғур газана билмәјиб. Әксинә өз үзүнә ҹәһәннәм гапыларыны ачыб.
Јәмән һава гүввәләринин мәтбуат катиби Абдуллаһ Ҹәфәри өз ачыгламасында билдириб: “Јәмән ракетләри вә ПУА-лары Јәмән әлејһинә мүһарибәнин балансыны дәјишә билди вә Әрәбистан-БӘӘ коалисијасыны тезликлә мүһарибәни дајандырмаға мәҹбур едәҹәк.

Коалисија өлкәләри Јәмәнә гаршы мүһасирә вә тәҹавүзүнә давам етдикҹә, Јәмән ракет вә дронлары Ријад вә ондан узағы (ишғал едилмиш Фәләстин әразиләри) да вураҹаг.”
672 дәфә бахылыб
Лоадинҝ ...
Nur-Az Xeber
Go to TOP