(Сарај моллаларыны Имам Һәсәнлә (ә) бир тутанлара!)
Индијәдәк сарај моллалары васитәсилә халга чатдырдылар ки, коронавируса ҝөрә дөвләт мәсҹидләри ача билмир. Амма бу мәсәләләрдә сарај моллаларыны тәлиматландыранлар унутмушдулар ки, онлара “бәс нијә чимәрлији ачырсыз?”, “бәс нијә башга фәсад мәркәзләри ачыгдыр?” “Бәс нијә башга өлкләрдә иҹтимаи фасилә вә лазыми тәдбирләрә риајәт етмәклә мәҹлисләр кечирмәк олур, мәсҹидләр ачыгдыр?” вә с. суалларын да ҹавабларыны өјрәтсинләр.
Һәр бир һалда ҝөзләјирдик ки, Тасуа вә Ашура ҝүнүндә бәлкә мәсҹидләри ачдылар. Амма ҹидди вә рәсми шәкилдә әһалинин нәзәринә чатдырырлар ки, Тасуа вә Ашура ҝүнү һеч ким бизим дәдәләримизи ләнәтләмәсин, буна имкан вермәмәк үчүн дә мәсҹидләри ачмырлар. Үстәлик, дејибләр ки, дини, ислами атрибутлары машынлара белә вурмаг олмаз. Евләрдә дә еһсан сүфрәләри гадағандыр. Бурда тәбии ки, сарај моллаларыны тәлиматландырмаг лазым иди ки, ахы ачыг һавада башга тәдбирләр олур, нијә әзадарлыг олмасын. Бундан башга машынлара нијә атрибутларын вурулмасыны гадаған етмисиз? Имамлардан (ә) нәгл олундуғу кимидир, Аллаһ дүшмәнләримизи ахмаглардан гәрар вериб.
Тәәссүф ки, бу ахмаглыг сарајдан сарај моллаларына вә онларын тәрәфдарларына да кобуд шәкилдә сирајәт едиб. Белә ки, бу ҹүр сарај моллаларыны гынајыб дејәндә ки, нијә јаландан дејирсиз ки, Иранда, Ирагда, Ливанда да мәсҹидләр бағлыдыр, һалбуки орада лентә алынан әзадарлыг мәҹлисләри бүтүн сосиал шәбәкәләри зинәтләндирир... Гајыдыб дејирләр ки, сиз Имам Һәсәнин (ә) дөврүндә олсајдыныз, О Һәзрәтә (ә) сәһв тутардыныз ки, нә үчүн Мүавијә илә сүлһ еләдин? Јазыг адамлар... Бу ҹамааты сарај ҝөрүн нә ҝүнләрә гојду. Бунлар өз севдикләри руһаниләр сарај әлалтысы олмамышдан габаг белә дүшүнмүрдүләр. Дүшүнмүрдүләр ки, Имам Һәсән (ә) Мүавијәнин сөзчүсү иди. Садәҹә севдикләри шәхсләрин сарајын әлалтысы олмасы вә буна ҝөрә дә тәнгид олунмаларындан нараһат олмалары сәбәбилә белә дејирләр. Бәдбәхтләр дуруб нөгсан тутурлар ки, Имам Һәсән (ә) дә Мүавијә илә сүлһ бағламышды.
Ај заваллы инсанлар, һеч билирсиз ки, Мүавијә хариҹдән мүсәлманлара олан һүҹуму дәф етмәк үчүн башындан јекә данышыб Имам Һәсәнә (ә) орду јығыб дүшмән гаршысына чыхмасыны әмр едәркән Имам Һәсән (ә) она нә бујурмушду? Һәзрәт (ә) ҹавабында јазмышды ки, мәним ордум олса елә сәнин әлејһинә дөјүшәрәм.
Һеч утанырсыз? Мәҝәр Имам Һәсән (ә) сарајын сөзчүсү иди? Ағлынызы башыныза јығын. Сарај гулбечәси олмусунуз, ҹәһәннәмә олун, амма чиркин ишләринизә Имам Һәсән (ә) кими пак инсанлары аләт етмәјин. Аллаһдан горхун!
