Мәһәррәм ајы башлар-башламаз мәсҹидләр Имам Һүсејн (ә) әзадарлары илә долуб-дашыр. Әслиндә исә өзүмүзә суал вермәлијик ки, биз нә гәдәр әзадар сајылырыг. Ҝөрәсән әзадарлығымыз нә гәдәр гәбул едилир. Имам Һүсејнин (ә) бизим әзадарлығымыздан нә гәдәр хошу ҝәләрди.Â
Бир чох мәсҹидләрдә 14 әср әввәлин језидләринә ләнәт охунур, зүлмләри, тарихи һадисә гејд едилир. Бир чох руһаниләр, минбәр әһли минбәрдә 14 әср әввәлин језидини јыхыб-сүрүјүр, розәханлар “орда олсајдым белә едәрдим”, “каш орда олајдым” мәзмунлу мәрсијәләр охујурлар. Адам һәрдән дүшүнүр ки, санки Азәрбајҹан Һәзрәт Әлинин (ә)Â әдаләтли һөкүмәтинин бир нүмунәсидир вә зәманәдә језидләр олмадығы үчүн биз 14 әср әввәлин језидләрини ләнәтләјир, һәдәләјирик.Â
Зәманә језидләринә исә тәәссүф ки, ҹүзи бир мигдар етираз едир, әксәријјәт сусур. Биз һеч кимдән чыхыб сәрт данышыб һәбсә ҝетмәсини уммуруг. Һеч олмаса бир полисин налајиг давранышыны, бир мәмурун рүшвәт алмасыны, бир депутатын халгы бурахыб шәхси бизнеслә мәшғул олмасыны да дилә ҝәтирмәк бу гәдәр горхулудурму? Һалбуки Имам Һүсејн (ә) тәкҹә бир өлкәнин башчысыны дејил, бүтөв бир империјанын императоруну биззат тәнгид едирди. Бу ҝүн “орда олсајдым елә едәрдим, белә едәрдим” дејән биз диндарлар исә бир балаҹа дөвләтин ганунларына хилаф иш ҝөрән бир полиси белә тәнгид едә билмириксә, бу ријакарлыглар нәјә лазымдыр. Утанмаз, утанмаз да чыхыб охујуруг ки, орда (Кәрбәлада) олсајдым белә едәрдим, елә едәрдим.
Бир чох диндарларын, рөвзәханларын, руһаниләрин әлиндә бәһанә едиб сусдуғу, бәзән үстүөртүлү дә олса ешитдирдији мәсәлә будур ки, Имам Һүсејнин (ә)Â гијамындан илһам аланда, һәрдән Имам Һәсәнин (ә)Â сүлһү бардә дә дүшүнмәк лазымдыр. Бу мәсәләни о гәдәр габардыблар ки, һәтта депутатханада јалтаг вә тәјинатла отуран Заһид Оруҹун белә һәрдән ағлына белә тәклифләр ҝәлир.Â
Әслиндә исә бу тәклифи верән һәтта руһани белә олса савадсыз олдуғу мәлумдур. Чүнки Имам Һәсән (ә) сүлһдән өнҹә хәлифә иди. Сүлһә исә ордусунда олан хәјанәтләрдән, дағылмалардан, Мүавијә ләнәтуллаһын һијләләринә алданыб онун тәрәфинә кечмәләрдән, һәдәләрдән горхмалардан, әдаләтдән безмәләрдән сонра мәҹур галыб сүлһә ҝетди. Буну әлиндә бәһанә едәнләрин нечә фаизи зүлмә гаршы мүһарибә едиб әтрафында хәјанәт, алданма, дүнја малына ујма вә с. ҝөрдү? Нечә фаизи бүтүн бу ишләрдән сонра сүлһә разы олду?
Ондан әлавә, унутмајаг ки, Имам Һәсән (ә) Мүавијә илә сүлһ етмишди. Сиз гаршыныздакы инсанларын Мүавијә олдуғуна етигад етдинизми? Инанын Аллаһа ки, әҝәр гәлбдә һәгигәтән дә онларын Мүавијә олдуғуна етигад едиб белә бир тәклиф верирсинизсә о заман залымын зүлмүнү ифша едән минбәр әһли вә диндарларла бир әгидә вә фикрдәсиниз. Чатышмајан ҹәһәт одур ки, тәкҹә гәлбдә белә бир етигада саһиб олмаг кифајәт етмир. Елә бир шәраит ола биләр ки, артыг гәлбдә оланлар дилдә ҹари олмалы, дилдән дә әмәл мүстәвисинә кечмәлидир. Ејнијлә Имам Һүсејнин (ә)Â етдији кими.
