Шрифт өлчүсү:
А+
А
А-
21 Март 2019

Әл-Мурагибат китабындан бир јарпаг-Рәҹәб ајы вә әјјами-бејз ҝеҹәләринин намазлары (12)

Рәҹәб ајынын ҝеҹәләри үчүн бир сыра намазлар төвсијә олунмушдур. Бу намазлары тамамилә тәрк етмәк олмаз. Онун ән азындан чох вахт тутмајан, инсаны елм тәһсилиндән вә диҝәр әмәлләрдән сахламајан, асан оланларыны гылмаг лазымдыр. Сејрү-сүлук әһли әјјами-бејзә (бәјаз ҝүнләр) кими бу минвалла әмәл етсин. Әјјами-бејздә өз һал вә ҹошғунлуғуна ујғун олараг намазларыны артырсын.
Əјјами-бејз ҝеҹәләриндә “Јасин”, “Тәбарәк” вә “Гул һувәллаһ” сурәләри охунан намазы гылсын. Бу намаз “Игбал”да јер алмышдыр вә ону Әһмәд ибн Әбул-Улја Имам Садигдән (ә) нәгл етмишдир. Бу намаз һагда бөјүк фәзиләтләр дејилмишдир.
Јахшы олар ки, әјјами-бејз ҝеҹәләринин биринҹи ики ҝеҹәсиндә (13 вә 14-ҹү ҝеҹәләр) бу ҝеҹәләрә аид дејилмиш гыса намазлары јеринә јетирсин. Он бешинҹи ҝеҹә исә “Игбал”да Шејх Тусидән өз сәнәди илә Давуд ибн Сәрһанын Имам Садигдән (ә) нәгл етдији намазы гылсын.
İмам Садиг (ә) бујурду: “Рәҹәбин орта ҝеҹәсиндә он ики рәкәт намаз гылырсан. Һәр рәкәтдә “Һәмд” вә бир сурә охујурсан. Намаздан сонра “Һәмд” “Фәләг”, “Нас”, “Ихлас” вә ајәтул-курсунун һәр бирини дөрд дәфә охујурсан. Сонра дөрд дәфә тәсбиһати-әрбәә охујурсан: “Субһанәллаһи вәл-һәмду лиллаһи вә ла илаһә илләллаһу вәллаһу әкбәр”. Сонра дејирсән: “Әллаһу, Әллаһу, Рәбби лә ушрику биһи шәјән, машаәллаһу вә ла гуввәтә иллә биллаһил-әлијјил-әзим.”
Әҝәр баҹарса, 13 вә 14-ҹү ҝеҹәләрдә өз һәмишәки зикр вә ибадәтләрини артырсын, ҝеҹәни сүбһә кими ибадәтлә мәшғул олсун вә әјјаму-бејзи үч ҝүн оруҹ тутсун. Рәҹәб ајынын ортасынын ҝеҹәсини биринҹи ҝеҹәдә дедијимиз кими ојаг галараг ибадәтлә кечирсин.
Рәҹәб ајынын 15-ҹи ҝүнүнә аид мурагибәтләри ҝәлән јазыда ҝениш шәкилдә тәгдим едәҹәјик.


1463 بازدید
در حال ارسال اطلاعات...