Шрифт өлчүсү:
А+
А
А-
13 Март 2019

Әл-Мурагибат китабындан бир јарпаг-Ләјләтул-рәғаибин әмәлләри (6)

Рәҹәб ајынын илк ҹүмә ҝеҹәсиндән гафил олмајын
Камил ариф Мирзә Ҹавад Аға Мәлики Тәбризи дәјәрли “Әл-Мурагибат” китабында Рәҹәб ајынын әмәлләри илә бағлы төвсијәләриндә “Ләјләтул-рәғаиб”-ин әмәлләри һаггында јазыр:

Әҝәр Рәҹәб ајынын биринҹи ҝеҹәси ҹүмә ҝеҹәси олса, јахшы олар ки, салик ләјләтул-рәғаибин әмәлини јеринә јетирсин. Рәсули-әкрәмдән (с) белә рәвајәт олунмушдур: “Рәҹәб ајынын илк ҹүмә ҝеҹәсиндән гафил олмајын. Мәләкләр һәмин ҝеҹәни “ләјләтул-рәғаиб” адландырыр. Онун белә адланмасынын сәбәби одур ки, ҝеҹәнин үчдә бири өтдүкдән сонра ҝөјләрин вә јерләрин мәләкләри һамысы Кәбә вә онун әтрафына топлашыр. Сонра ҝөзләнилмәдән Аллаһ онлара бујурар: “Еј мәним мәләкләрим! Һәр нә истәјирсизсә, Мәндән истәјин.” Мәләкләр дејәрләр: Бизим истәјимиз будур ки, Рәҹәб ајынын оруҹуну тутанлары бағышлајасан.” Мүтәал Аллаһ бујурар: “Бағышладым.”
Јахшы олар ки, бу һәдиси ешидән кәс бу ҝеҹә мәләкләрә салават ҝөндәрсин, беләликлә тәһијјәт ајәсинин (“Ниса” сурәси, ајә 86) онун өһдәсинә гојдуғу вәзифәни өз ҝүҹү мигдарында јеринә јетирмиш олсун.
Аллаһын рәсулу (с) һәдисин давамында бујурур: “Һәр ким Рәҹәб ајынын биринҹи ҹүмә ахшамы ҝүнү оруҹ тутса, сонра мәғриб вә иша намазлары арасында 12 рәкәт (6 дәфә ики рәкәтли) намаз гылса, һәр ики рәкәтдән сонра салам версә; һәр рәкәтдә 1 дәфә “Һәмд”, 3 дәфә “Инна әнзәлнаһу фи ләјләтил-гәдр” вә 12 дәфә “Гул һувәллаһу әһәд” охуса, намаз гуртардыгдан сонра 70 дәфә десә: 

اَللَّهُمَّ صَلِّ عَلَى مُحَمَّدٍ النَّبِىِّ اْلاُمِّىِّ وَعَلَى آلِهِ

“Әллаһуммә сәлли әла Муһәммәдин-ән-нәбијјил-уммијји вә әла алиһ”
Сонра сәҹдәјә ҝедәрәк 70 дәфә десә: 

سُبُّوحٌ قُدُّوسٌ رَبُّ الْمَلاَئِكَةِ وَالرُّوحِ

“Суббуһун гуддусун раббул-мәлаикәти вәр-руһ”
Сонра башыны галдырыб десә: 

رَبِّ اغْفِرْ وَارْحَمْ وَتَجَاوَزْ عَمَّا تَعْلَمُ اِنَّكَ اَنْتَ الْعَلِىُّ اْلاَعْظَمُ

“Раббиғфир вәрһәм вә тәҹәвәз әммә тәләму иннәкә әнтәл-әлијјул-әзәм”
Сонра јенидән сәҹдәјә ҝедиб 70 дәфә десә,

سُبُّوحٌ قُدُّوسٌ رَبُّ الْمَلاَئِكَةِ وَالرُّوحِ

“Суббуһун гуддусун раббул-мәлаикәти вәр-руһ”
Сонра Аллаһдан өз һаҹәтини истәсә, Аллаһ онун истәдијини верәр.”

Пејғәмбәр (с) даһа сонра бујурду: “Анд олсун ҹаным онун әлиндә олан кәсә! Аллаһын бәндәләриндән һәр ким бу намазы јеринә јетирсә, Аллаһ онун ҝүнаһларыны бағышлајар, һәтта онун ҝүнаһлары дәнизин диби, гум дәнәләринин сајы, дағларын ағырлығы вә ағаҹларын јарпаглары гәдәр олса да. Бу намазы гылан кәс Гијамәт ҝүнү ҹәһәннәмә лајиг олан 700 нәфәр гоһумуна шәфаәт едә биләҹәк. 

Ким бу намазы гылса, Аллаһ-тәала онун гәбринин илк ҝеҹәсиндә бу намазы ән ҝөзәл сурәтдә, ачыг вә парлаг үзлә онун јанына ҝөндәрәр. О намаз ајдын диллә она дејәр: “Еј мәним һәбибим сәнә мүждә олсун ки, һәр бир чәтинликдән ниҹат тапдын.” О кәс дејәр: “Сән кимсән? Анд олсун Аллаһа, мән сәнин үзүндән даһа ҝөзәл бир үз ҝөрмәмишәм вә сәнин ијиндән даһа ҝөзәл бир гоху ијләмәмишәм.” О дејәр: “Мән сәнин филан ил, филан ај, филан ҝеҹә, филан јердә гылдығын намазын савабыјам. Бу ҝеҹә сәнин јанына ҝәлмишәм ки, сәнин һаггыны јеринә јетирим, тәнһа галдығында сәнә мунис олам, горхуну сәндән ҝөтүрүм. Гијамәт ҝүнү сур үфүрүлдүкдә мән сәнин башына көлҝә салаҹам. Мөвлан тәрәфиндән олан хејирләрин һеч бирини әлдән вермәјәҹәксән.”
“Әл-Мурагибат”, сәһ, 120-122


1349 بازدید
در حال ارسال اطلاعات...