Şrift ölçüsü:
A+
A
A-
Kr
08 Yanvar 2019

Bəzi çətinliklər bəndələrin xeyrinədir

Məlumdur ki, insanın kainatın sirləri və onların öz taleyinə təsiri haqqında məlumatı çox azdır.
كُتِبَ عَلَيْكُمُ الْقِتَالُ وَهُوَ كُرْهٌ لَكُمْ وَعَسَىٰ أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَىٰ أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ

"Sizin xoşunuza gəlməsə də, cihad sizə vacib edildi. Ola bilsin ki, sevmədiyiniz bir şey sizin üçün xeyirli, sevdiyiniz bir şey isə sizin üçün zərərli olsun. Allah bilir, siz isə (bunu) bilmirsiniz." (Bəqərə, 216).

İzah: Məlumdur ki, insanın kainatın sirləri və onların öz taleyinə təsiri haqqında məlumatı çox azdır. Buna görə də bir çox hallarda nəticə etibarilə öz xeyrinə olan bu və ya digər hadisəni özü üçün bəla və müsibət sana bilər. Odur ki, həkimin dərmanı uşaq üçün acı və xoşagəlməz olsa da ondan çəkinməməlidir. Çünki o dərmandan istifadə etmək onun sağlamlığı ilə nəticələnəcək. Həyatda qarşılaşdığımız bir çox acı müsibətlərin və fəlakətlərin də nəticəsi yaxşıdır. Allah ondan xəbərdardır. Bəndələr isə öz elm və biliklərinin məhdud olduğuna görə onu acı və xoşagəlməz hadisə kimi görürlər. Yuxarıdakı ayə bu mühüm və təsirli həqiqəti təkid edir.

Hədis: İmam Əli (ə): “Allah Öz ərşindən səsləyir: “Ey bəndələrim! Dediyim hər şeyə əməl edin. Öz məsləhətlərinizi mənə deməyin. Mən Özüm sizin məsləhətinizdən xəbərdaram və onu sizdən əsirgəmərəm.” (İmam Həsən Əsgəriyə (ə) isnad olunan təfsir, səh. 327, hədis: 176).


1030 بازدید
در حال ارسال اطلاعات...