Аллаһ севҝисинин дә нәтиҹәси Онун немәтләринин инсанын үзәринә јағмасыдыр
فَاذْكُرُونِي أَذْكُرْكُمْ وَاشْكُرُوا لِي وَلَا تَكْفُرُونِ
"Сиз Мәни јад един ки, Мән дә сизи јад едим! Мәнә шүкүр един, Мәнә нанкорлуг етмәјин!" (Бәгәрә, 152).
Изаһ: Зикрин һәгиги мәнасы Јарадана там гәлби илә диггәт етмәкдир. Аллаһы јад етмәјин бирбаша нәтиҹәси Онун да Өз бәндәсини јад етмәси вә она Өз лүтфүнү назил етмәсидир. Буна ҝөрә дә зикрин ән мүһүм фајдасы Аллаһ севҝиси, Аллаһ севҝисинин дә нәтиҹәси Онун немәтләринин инсанын үзәринә јағмасыдыр. Јухарыдакы ајәдә Аллаһын гаршылыглы олараг зикр едән бәндәләрини јад етмәсинә ишарә олунмушдур.
Һәдис: İмам Садиг (ә): Аллаһ-Таала бујурмушдур:
“Еј Адәм өвлады! Өз дахилиндә мәни јад ет ки, Мән дә дахилән сәни јад едим. Еј Адәм өвлады! Мәни хәлвәтдә јад ет ки, Мән дә сәни хәлвәтдә јад едим. Мәни ҹәмијјәт арасында јад ет ки, сәни сәнин ҹәмијјәтиндән даһа јахшы ҹәмијјәт арасында јад едим.” (Мәһасин, сәһ. 39, һәдис: 34).
