Şrift ölçüsü:
A+
A
A-
Kr
23 İyun 2018

Günahkarların simasının aşkara çıxması

Qurana görə, Qiyamət günü günahkarların siması tanınacaqdır.
خُذُوهُ فَغُلُّوهُ ثُمَّ الْجَحِيمَ صَلُّوهُ ثُمَّ فِي سِلْسِلَةٍ ذَرْعُهَا سَبْعُونَ ذِرَاعاً فَاسْلُكُوهُ إِنَّهُ كَانَ لَا يُؤْمِنُ بِاللَّهِ الْعَظِيمِ وَلَا يَحُضُّ عَلَى طَعَامِ الْمِسْكِينِ فَلَيْسَ لَهُ الْيَوْمَ هَاهُنَا حَمِيمٌ وَلَا طَعَامٌ إِلَّا مِنْ غِسْلِينٍ لَا يَأْكُلُهُ إِلَّا الْخَاطِؤُونَ


"(Mələklərə deyiləcək): “Onu yaxalayıb zəncirləyin! Sonra da Cəhənnəmə atın! Onu uzunluğu yetmiş dirsək olan zəncirə vurun! Çünki o, Böyük Allaha iman gətirmirdi və (heç kəsi) kasıbı yedirtməyə rəğbətləndirmirdi. Bu gün burada onun üçün bir dost tapılmaz. Qanlı irindən başqa yeməyi də yoxdur. Onu ancaq günahkarlar yeyər.”" (Haqqə, 30-37).

İzah: Möminlərin aqibəti ilə kafirlərin aqibətini müqayisə etmək Quranın tərbiyə üsullarından biridir. Buna görə də hər birinin taleyini qeyd edəndən sonra digəri haqqında söz açır və bəndələri digər zümrənin aqibəti ilə də tanış edir. Təhqir və başıaşağılıq Cəhənnəm əhlinin ilk əzabıdır. Qurana görə, Qiyamət günü günahkarların siması tanınacaqdır. Onları son dərəcə təhqir və zillətlə Cəhənnəmə doğru sürükləyəcək və oda atacaqlar.

Hədis: İmam Sadiq (ə): “Cəbrayıl Peyğəmbərə (s) xəbər vermişdir ki, əgər – Cəhənnəm əhlini bağladıqları – o yetmiş dirsək zəncirin bir halqası dünyaya qoyulsa, dünya onun istisindən əriyər.” (Təfsiri-Qumi, c. 2, səh. 81).


153 بازدید
در حال ارسال اطلاعات...