Şrift ölçüsü:
A+
A
A-
Kr
30 İyun 2017

TƏQVA AZADLIĞA ZİDD DEYİL

Yer kürəsi günəşə yaxınlaşarsa, od tutar, uzaqlaşarsa, buzlaşar.
Bəziləri elə düşünə bilər ki, təqva insanın azadlığını məhdudlaşdırır. Təəssüf ki, İslam haqqında da bu fikirdə olanlar var. Amma bilmək lazımdır ki, bütün kainatda mütləq qanunlar hökm sürür. Yer kürəsi günəşə yaxınlaşarsa, od tutar, uzaqlaşarsa, buzlaşar. Yer öz orbitindən çıxıb «azad» olarsa, həyat bir anda məhv olar. Demək, hər bir varlığın «orbiti» vardır və bu «orbit»dən çıxan varlıq məhvə məhkumdur.
Bu günkü dünyanın ən aktual mövzusu olan demokratiya mütləq azadlıq mənasında başa düşülməməlidir. İnsan xoşbəxt olmaq istəyir. Demək, onun məqsədi vardır. Məqsəd varsa, məqsədə aparan yol da var. Bu yoldan çıxmaq azadlıq yox, nəfsin əsarətinə düşməkdir. Bu gün hicabı, örtüyü qadın azadlığı üçün buxov bilənlərlə çiyin-çiyinə qadınlıq haqqı tələb edən «mavi kişilər» dayanır. Kişinin qadınlıq etməsi azadlıqdırmı?! Qadının fahişəlik haqqı varmı?!
Həzrət Əli (ə) buyurur: «İslamdan üstün şərafət, təqvadan üstün izzət yoxdur». Bəli, İslam, eləcə də təqva insanın səadətini təmin edir, onu kamilliyə aparır. İslam dini «Allahın səni azad yaradıb, başqasına qul olma» şüarı ilə çıxış edib, əsarətə qarşı çıxır. Şəxsiyyəti, insanlığı, əxlaqı, müqəddəsliyi qorumaq azadlığa zidd deyildir. Əksinə, dünyanın nəhəng əxlaqsızlıq təbliğatına qul olub Allahı unutmaq, günahdan çəkinməmək əsl əsarətdir!


2126 بازدید
در حال ارسال اطلاعات...