Шрифт өлчүсү:
А+
А
А-
11 Јанвар 2017

ҸҮМӘ НАМАЗЫНЫН ӘҺӘМИЈЈӘТИ

Ислам пејғәмбәри (с) ҹүмә намазыны ҝүнаһларын бағышланмасына сәбәб һесаб едир
Мүсәлманларын һәфтә әрзиндә бир дәфә топлу шәкилдә һәјата кечирмәли олдуглары ибадәтләрдән бири олан ҹүмә намазы бөјүк әһәмијјәтә маликдир. Бу, бир ибадәт олмагла јанашы, һәм дә мүсәлманларын әзәмәт вә вәһдәтинин бариз нүмунәсидир. Гурани-кәримдә Ҹүмә намазы һаггында охујуруг:
“Еј иман ҝәтирәнләр, елә ки ҹүмә намазына чағырылырдыныз, Аллаһы јад етмәјә тәрәф тәләсин вә алыш-вериши тәрк един”. (“Ҹүмә”, 9.)
Ҹүмә намазы ән азы беш нәфәрдән ибарәт бир топлу шәклиндә тәшкил едилир. Бу намазын имамы мүсәлманларын дини һакими олмалы вә јахуд дини рәһбәр тәрәфиндән бу мәнсәбә тәјин едилмәлидир. Ҹүмә намазында илк олараг ики хүтбә охунур. Принсип етибарилә биринҹи хүтбә моизә әһәмијјәти дашыјыр, икинҹи хүтбәдә исә ҝүндәмдә олан сијаси-иҹтимаи вә с. мәсәләләрдән сөз ачылыр. Бу ибадәтин неҹә бөјүк әһәмијјәтә малик олмасыны билмәк үчүн Аллаһ рәсулундан (с) нәгл едилән бир нечә һәдиси нәзәринизә чатдырырыг. О Һәзрәт (с) бујурур:
“Ҹүмә намазы касыбларын һәҹҹидир”. (“Биһарул-әнвар”, ҹ. 89, сәһ. 199.)
Башга рәвајәтләрдә исә Ислам пејғәмбәри (с) ҹүмә намазыны ҝүнаһларын бағышланмасына сәбәб һесаб едир. Бәзи вахтлар мөминләр Ҹүмә намазыны чох да ҹидди олмајан ишләрин архасынҹа ҝетмәклә тәрк едир вә бу илаһи-сиајси ибадәтә олдугҹа аз әһәмијјәт верирләр. Гурани-кәрим белә шәхсләр һаггында бујурур:
“Онлар (мөминләр) бир алыш-вериш, јахуд бир әјләнҹә ҝөрдүкләри заман сәни ајаг үстә (минбәрдә хүтбә охудуғун һалда) гојуб она тәрәф ҹумдулар. (Ја Пејғәмбәр!) Де: "Аллаһ дәрҝаһында олан саваб әјләнҹәдән дә, тиҹарәтдән дә хејирлидир. Аллаһ рузи верәнләрин ән јахшысыдыр!". (“Ҹүмә”, 11.)
“Нур әс-сәгәлејн” тәфсир әсәриндә бу ајәнин изаһында охујуруг: “Јохсуллуг Мәдинәни бүрүмүшдү. Аҹлыг инсанлара мөһкәм тәзјиг ҝөстәрирди. Тәбии ки, белә бир шәраитдә әҝәр бир әрзаг карваны шәһәрә дахил олса һамы она тәрәф гачыб, бир шеј алмаг истәјәр.
Ҹүмә ҝүнү Мәдинә әһли мәсҹидә топлашмыш вә Ислам пејғәмбәри (с) Ҹүмә намазынын хүтбәләрини охујурду. Бу заман хәбәр јајдылар ки, Мәдинәјә әрзаг карваны ҝәлмишдир. Мүсәлманлар ун, арпа алмаг үчүн мәсҹиди тәрк етдиләр. Јалныз Пејғәмбәрлә (с) сәккиз вә ја гырх нәфәр галдылар. Буну ҝөрән Пејғәмбәр бујурду: “Анд олсун әҹәлим ихтијарында олан Аллаһа, әҝәр сиз дә бу мәсҹдән ҝедиб, бурда һеч кәс галмасајды атәш (Аллаһын әзабы) бүтүн бу бијабаны бүрүјәр вә сизи һәлак едәрди. (“Нур әс-сәгәлејн”, 329/5.)


1465 بازدید
در حال ارسال اطلاعات...