Шрифт өлчүсү:
А+
А
А-
02 Јанвар 2017

МӘСҸИДИН МЕМАРЫ НАМАЗ ГЫЛАН ОЛМАЛЫДЫР

“Аллаһын разылығы исә һәр немәтдән бөјүк вә дәјәрлидир”.
Аллаһ јанында ән севимли јер мәсҹиддир. Чүнки, бу ибадәт оҹағында инсанлар дүнја бағлылығындан ајрылыр вә Аллаһа һәмдү-сәна едирләр. Рәсули-әкрәм (с)бујурур:
“Аллаһын ән севимли јери мәсҹиддир”. (“Нәһҹ әл-фәсаһә”, “Мәсҹид” бөлүмү.)
Пәһризкарларын сәнҝәри, ибадәтҝаһы мәсҹидләрдир. Аллаһын рәсулу (с) бу һагда бујурур:
“Мәсҹид пәһризкарларын-тәгва әһлинин евидир”. (“Нәһҹ әл-фәсаһә”, “Мәсҹид” бөлүмү.)
Тәгвалы шәхс дүнјаны меһманхана һесаб едиб мәсҹиди исә өз доғма еви һесаб едир. Бу барәдә Ислам пејғәмбәри (с) бујурур:
“Дүнјада гонаг кими јашајын, мәсҹиди исә евиниз һесаб един”. (“Нәһҹ әл-фәсаһә”, сәһ .514.)
Һәсән ибн Мәһәммәд Дејләми “Иршад әл-гүлуб” китабында Һәзрәт Әлидән (ә) белә нәгл едир:
“Мәним үчүн мәсҹиддә отурмаг Ҹәннәтдә отурмагдан даһа үстүндүр. Чүнки, Ҹәннәтдә отурмаг мәни севиндирир, лакин мәсҹиддә отурмаг исә Аллаһын разылығына сәбәб олур”. Әмирәлмөмининин белә бујурмасына сәбәб бу ајәдир:
“Аллаһын разылығы исә һәр немәтдән бөјүк вә дәјәрлидир”. (“Төвбә”, 72.)


1170 بازدید