Şrift ölçüsü:
A+
A
A-
Kr
25 Dekabr 2016

“Bilmirəm” cavabı

“Bilmirəm” sözünü deməyə utanan şəxs bir növ məğrur və aldadıcı hisslərə bulaşmışdır
İmam Əli (ə) buyurub:
“Kimdənsə bilmədiyi bir şey haqqında soruşarlarsa, “bilmirəm” sözünü deməyə utanmasın (“bilmirəm” desin)”.

“Qürər əl-hikəm”, c. 6, səh. 277.

Bilik xəzinəsinin açarı “sual”dır.
Soruşmaq, təvazökarlıq əlaməti, qürur və yekəxanalıqdan uzaqlığın göstəricisidir.
İnsanlar bütün biliklərə yiyələnməyiblər, buna görə də daim soruşub öyrənməyə ehtiyaclıdırlar. Deməli, bilmədiyimizi soruşmalıyıq. Əgər bilmədiyimiz bir şey haqqında sual verilərsə, çəkinmədən “bilmirəm” deməliyik.

Bəziləri üçün “bilmirəm” sözünü dilə gətirmək həddən artıq çətindir. Bu ifadəni işlətməmək üçün başqalarının sualı qarşısında minlərcə yanlış, yalan söyləməyə hazırdırlar. Çünki öz karyeralarına xələl gəlməsindən qorxurlar. Bir halda kı, insanları yanlış istiqamətləndirmək və diqqətsiz cavablar daha pis nəticələr doğurur.
“Bilmirəm” sözünü deməyə utanan şəxs bir növ məğrur və aldadıcı hisslərə bulaşmışdır. Məğrurluq isə bəzən insanı yerə vurur.
Hər şeydən məlumatımız olmadığı halda, özümüzü bütün sirlərə vaqif, savadlı və inteligent kimi görsətməyin nə mənası var?
Bu, “özünü” və “başqalarını” aldatmaq deyilmi?


1067 بازدید
در حال ارسال اطلاعات...