Şrift ölçüsü:
A+
A
A-
Kr
24 Dekabr 2016

Yaxşılarla dostluq yaxşılıq gətirər

Pak və yaxşı insanlarla dostluq etmək mümkün olduğu halda, çirklilərlə ünsiyyətə nə lüzum var?
İmam Əli (ə) buyurub:
“Yaxşılarla dostluq, küləyin ətirli iyin yanından keçərkən gözəl iy gətirdiyi kimi yaxşılıq gətirər”.

“Qürər əl-hikəm”, c. 2, səh. 201.

İnsan xarakterinin özəlliklərindən biri də onun ətraf mühitdən təsirlənməsidir.
Saleh insanlarla ünsiyyət insanda müsbət iz buraxdığı kimi, aludə, pis dostlarla yoldaşlıq etmək də onun qəlbini, düşüncələrini və rəftarını öz təsiri altına alır.
Ətirli yerdə dayanmaq, hətta insan ətir vurmamış olsa belə onu xoşqoxulu edir. Sədi “Gülüstan” əsərində bu böyük hikmətə işarə vurur. “Gül” ilə “gil”in dostluğundan danışarkən dostun müsbət keyfiyyətinin, hətta gilə, torpağa da təsir bağışladığını vurğulayır.
Zibillik və bataqlıqdan ötən külək, üfunətli iyə çevrilib insanın burnunu dəldiyi kimi, ətirli, güllü-çiçəkli bağdan ötən külək də ona ruh verir, sevinc bəxş edir. Başqaları ilə ünsiyyətdə olarkən onların xarakterlərindən təsirlənmək qaçılmazdır.

Pak və yaxşı insanlarla dostluq etmək mümkün olduğu halda, çirklilərlə ünsiyyətə nə lüzum var?


868 بازدید