Şrift ölçüsü:
A+
A
A-
Kr
23 Dekabr 2016

Vəzifə sonrası zəlillik

Doğrudan da izzətdən sonrakı xarlıq necə də acıdır!
İmam Əli (ə) buyurub:
“Sənin vəzifə dövründəki təkəbbürlülüyün vəzifə sonrası xarlığına səbəbdir”.

“Qürər əl-hikəm”, c. 1, səh. 247.

Vəzifə üçün də insanda çıxar olması zəruridir. Bəziləri vəzifəyə çatar-çatmaz özlərini itirir, dosta, tanışa, qohuma, xalqa qarşı rəftarları tamam dəyişir. Camaata qarşı etinasızlıq və təşəxxüslü davranışlarına görə xalqın gözündən düşür və onların nifrətini qazanırlar.

Vəzifədə olduqları müddətdə bir gün oturduqları kürsünü tərk edəcəklərini və taxtlarının çökəcəyini hiss etmirlər. Çünki nə də olmasa, gücləri, nüfuzları, hökmləri, imzaları və xidmətçiləri var. Ancaq, vəzifədən kənarlaşdırıldıqdan, yaxud qulluq dövrü bitdikdən sonra “yalqız” qalır və “xar” olurlar. Vəzifədən sonra qarşılaşdıqları “yalqızlıq” vəzifə müddətində becərdikləri təkəbbür və qürurun məhsuludur.

Təvazökar, əxlaqlı, başqalarına hörmətlə yanaşan, insanlıq və şərəflərini qoruyanlar vəzifədən kənarlaşdıqda, yaxud təqaüdə çıxdıqda da əvvəlki kimi “izzət” sahibi olurlar. Onların həmişə camaat arasında (tutduqları vəzifədən asılı olmayaraq) xüsusi hörmətləri var.
Doğrudan da izzətdən sonrakı xarlıq necə də acıdır!


1176 بازدید
در حال ارسال اطلاعات...