Шрифт өлчүсү:
А+
А
А-
27 Апрел 2015

Аллаһын ады илә башла!

Јемәкдән әввәл вә сонра әлләри јумаг хәстәликдән шәфаја, рузидә бәрәкәтә сәбәб олар...
Тиббур-Рәсул (Пејғәмбәр тәбабәти)


Мејвәләрин зәрәринә гаршы...
Һәзрәт Пејғәмбәр (с) бујурур: Ким Аллаһын ады илә мејвә јемәјә башласа мејвә она зәрәр јетирмәз... Һәзрәт (с) бујурур: Ким бир нөв мејвә јесә бу мејвәдән она зәрәр дәјмәз.

Әти јујун!
Һәзрәт Пејғәмбәр (с) бујурур: Гардашым Иса (с) бир шәһәрдән өтүб кечирди. Ҝөрдү ки, шәһәр әһалисинин чөһрәси сары, ҝөз һәдәгәси ҝөјдүр. Онлар Исаја (с) хәстәликләриндән шикајәтләндиләр. Һәзрәт Иса (с) бујурду: Дәрманыныз өз әлиниздәдир. Әти јумамыш бишириб јејирсиниз. Һансы ки, ҹәнабәти олмајан бир шеј јохдур... Шәһәр әһалиси һәмин вахтдан әти јумаға башлады. Бунунла да хәстәликләр арадан галхды.

Дузу јаддан чыхарма...
Һәзрәт Пејғәмбәр (с) бујурур: Јемәјә дузла башлајыб, ону дузла баша чатдырсан ҹүзам вә ала да дахил очмагла 72 хәстәликдән аманда галарсан.

Аллаһын ады илә башла!
Һәзрәт Пејғәмбәр (с) бујурур: Аллаһын адыны чәкмәдән нә јесән хәстәлијә сәбәб олар, бәрәкәти олмаз.

Әлләринизи јујун...
Һәзрәт Пејғәмбәр (с) бујурур: Әлиндән әт гохусу ҝәлән һалда јатан өзүнү мәзәммәт етсин... Јемәк јејәндән сонра јағлы әлләринизи јујун...
Јағлы әллә јатыб хәстәләнән шәхс өзү мүгәссирдир.

Евин бәрәкәтини артырмаг үчүн...
Һәзрәт Пејғәмбәр (с) бујурур: Јемәкдән әввәл вә сонра әлләри јумаг хәстәликдән шәфаја, рузидә бәрәкәтә сәбәб олар... Ким евинин хејир- бәрәкәтинин артмасыны истәјирсә јемәк јемәздән өнҹә дәстәмаз алсын. Ким јемәкдән габаг вә сонра дәстәмаз алса рузуси артар, һәјатында асајиш јаранар, бәдәни бәлалардан аманда галар... Јемәкдән габаг вә сонра әлләри јумаг јохсуллуг вә гәм-гүссәни арадан галдырар, ҝөзләри горујар.

Аҹгарына су?
Һәзрәт Пејғәмбәр (с) бујурур: Ким аҹ гарына су ичсә ҝүҹү азалар.

Сыныг габ...
Һәзрәт Пејғәмбәр (с) бујурур: Пејғәмбәр (с) мөминә ики гадаға гојур: Габын ағзынын сыныг тәрәфиндән су ичмәк, ичилән габы үфүрмәк.

Габын тутаҹағы...
Һәзрәт Пејғәмбәр (с) бујурур: Габын дәстәји чиркаб јығышан јердир, һәмин тәрәфдән ичмәјин.

Јағлы јемәкдән сонра...
Јағлы хөрәкдән сонра су ичмәк хәстәлијә сәбәб олар... Јағлы хөрәк јејиб үстүндән су ичән адамын гарнында фәсад јаранар.

Јағлы әтдән сонра...
Әмирәлмөминин (ә) бујурур: Пејғәмбәр әт јејәндә су ичмәјә тәләсмәзди... Бир шәхс Пејғәмбәрдән (с) нә үчүн әт јејәндән сонра аз су ичдијини сорушур. Һәзрәт (с) бујурур: Ким јағлы әти јејиб гуртарана гәдәр су ичмәсә тәам она ләззәтли олар.

Сују баша чәкмәк...
Һәзрәт Пејғәмбәр (с) бујурур: Сују арам ичин, бирдәфәјә башыныза чәкмәјин. Бу чијәрләрә зәрәрдир.

Сују үфүрмәк...
Пејғәмбәр (с) бир шеј ичәндә ону үфүрмәзди. Нәфәс алмаг истәјәндә габы ағзындан узаглашдырарды.

Аҹ галмаг зәрәрдир?
Һәзрәт Пејғәмбәр (с) бујурур: Аллаһ јанында о инсанын мәгамы үстүндүр ки, һамыдан чох аҹлыг ҹәксин, һамыдан чох дүшүнсүн. Чох јејиб ичән адам Аллаһын нәзәриндә мәнфурдур... Һәзрәт (с) бујурду ки, беһишт гапысыны ардыҹыл дөјүн ки, гапы ачылсын. Сорушдуыар ки, неҹә? Һәзрәт (с) бујурду ки, аҹлыг вә сусузлугла! Һәзрәт (с) бујурур ки, оруҹ тутсаныз сағлам оларсыныз.

Аҹлығын дәјәри...
Әмирәлмөминин (ә) бујурур: Мераҹ ҝеҹәси Һәзрәт Пејғәмбәр (с) Аллаһа мүраҹиәт етди: Пәрвәрдиҝара! Мәни сәнә јахынлашдыран ишләрә сөвг ет... Аллаһ бујурду: Ҝеҹәни ҝүндүз, ҝүндүзү ҝеҹә гәрар вер. Һәзрәт (с) буну неҹә етмәли олдуғуну сорушду. Аллаһ бујурду: Намазы, јухуну вә аҹлығы өзүнә рузи ет. Еј Әһмәд! Анд олсун иззәт вә ҹәлалыма ки, ким дөрд иш ҝөрсә ону беһиштә апарарам: Дилини сахласа вә јалныз өзүнә аид ишләр барәдә данышса, гәлбиндә вәсвәсәјә јол вермәсә, һәр заман ону ҝөрдүјүмү јадда сахласа, аҹлыг ҝөзүнүн нуру олса. Еј Әһмәд! Еј каш аҹлығын ләззәтини, сүкутун дадыны биләјдиләр, аҹлыгдан ирс апарајдылар! Пејғәмбәр (с) сорушур ки, аҹлығын ирси нәдир? Аллаһ-Талла бујурур: Һикмәт, гәлби горумаг, Аллаһа јахынлыг, һәмишә гәм, халга ҝүвәнмәмәк, һаггы демәк, рифаһ ја чәтинликдә јашамаға фәрг гојмамаг. Еј Әһмәд! Билирсәнми бәндә мәнә нә заман јахын олур? Аҹ ја сәҹдәдә оланда!

Нә гәдәр аз јесән...
Һәзрәт Пејғәмбәр (с) бујурур: Ким јемәјиндән азалтса батини ишыгланар... Шејтанын әлиндән гуртулмаг истәјән аз әт вә јағ јемәклә бәдәнини әритмәлидир. Аз јемәк мәләкләрин һүзуруна, Аллаһын разылығыны дүшүнмәјә сәбәб олур... Башга мәгамда бујурур: Аз јемәк, аз ичмәк, нәфс истәкләри илә мүбаризә апармаг шејтаны узаглашдырар, инсаны мәләкләрин һимајәсиндә гәрар верәр... Евдәкиләр аз јесәләр евин нуру артар... Дәрманларын шаһы аз јемәкдир.

Чох јесән...
Һәзрәт Пејғәмбәр (с) бујурур: Инсанын долдурдуғу габлар арасында ән пис габ гарындыр. Инсан бир нечә тикә илә дүз дајана биләр. Әҝәр нәфс истәјинә галиб ҝәлиб јемәјә, ичмәјә вә нәфәс алмаға үчдәбир јер сахласа хејир ҝөрәр... Һәзрәт (с) бујурур: Үммәтимин ән писи о кәсләрдир ки, рифаһ ичиндә доғулублар, чешидли хорәкләр јејибләр, чешидли либаслар ҝејибләр, чешидли миникләрә сүвар олублар, һәм дә чох данышырлар... Бујурур: Горхаг үрәк, дојмајан гарын, дәли шәһвәт, динин дүшмәни олан пис достлардыр... Башга бир мәгамда бујурур: Чох јемәк вә чох ичмәклә гәлбинизи өлдүрмәјин. Гәлб әкин јери кимидир, чох суварылса мәһв олар... Бујурур: Чох јемәк гәлби өлдүрәр, ибадәтдә сүстлүк јарадар, өјүд-нәсиһәт ешитмәјә мане олар... Ким чох јемәк вә чох ичмәјә адәт етсә гәлби дашлашар. Һәзрәт (с) бујурур: Бир ҝүн Ҹәбраил ҝөзләнилмәдән назил олду. Дедим ки, әввәлләр ҝәлмәдијин вахт ҝәлмисән, мәни горхутдун. Ҹәбраил деди: Еј Мәһәммәд (с)! Аллаһ сәни бағышлајыб, нә үчүн горхурсан?! Аллаһ сәни нә үчүн сечиб? Аллаһ сәнә бүтләрә пәрәстиши, шәраб ичмәји, пис данышмағы, инсанларла дидишмәји, гадаған едиб. Аллаһ бујурур ки, Мәним үчүн гарынгулулугдан хошаҝәлмәјән сифәт јохдур...
Салман Фарсини гонаг чағырдылар. Бир гәдәр јејиб дајанды вә деди: Бәс едәр. Пејғәмбәр (с) бујуруб ки, дүнјанын ән тох адамы ахирәтин ән аҹ адамыдыр. Дүнја мөминә зиндан, кафирә беһиштдир.

Хәстәјә диггәт...
Бир ҝүн Пејғәмбәр (с) бир хәстәни јохламага ҝетмишди. Сорушду ки, үрәјин нә истәјир? Хәстә деди ки, буғда чөрәји истәјирәм. Пејғәмбәр (с) бујурду ки, кимдә буғда чөрәји варса она версин. Сонра төвсијә етди ки, хәстәниз бир шеј истәјәндә она верин.

Сәдәгә јаддан чыхмасын!
Һәзрәт Пејғәмбәр (с) бујурур: Сәдәгә бүтүн хәстәликләрин дәрманыдыр. Хәстәләринизи сәдәгә илә сағалдын. Сәдәгә хәстәлик вә бәлалары үзаглашдырар.

Кәкликоту...
Һәзрәт Пејғәмбәр (с) бујурур: Кәкликоту мәдәни ҝүҹләндирир, бәлғәми арадан галдырыр... Һәзрәт (с) бујурур ки, кәкликоту ләгвә дејилән хәстәлијин гаршысны алыныр. Ләгвә елә бир гәстәликдир ки, инсанын ҝиҹҝаһыны бојнуна тәрәф әјир.

Әзхәр оту...
Әзхәр әтирли бир отдур, чубугларындан бәзи шејләр дә тохујурлар. Мејвәси олан әзхәр дә вар. Рәнҝи гарадыр, буғда кими сүмбүлү олур. Һәзрәт Пејғәмбәр (с) бујурур: Мәккәдә һеч бир от-әләфи гырмаг олмаз. Әзхәр истиснадыр, чүнки бу от инсанлара, онларын евләринә лазымдыр.
Биткишүнаслар дејир ки, әзхәр сидик ҝәтирир, бөјрәк дашыны әридир, мәдә вә гара ҹијәрдә јаралары јумшалдыр. Она әрәб әтири дә дејирләр. Һиндлиләр ону јејир. Әзхәрдән алынан јағ ревматизм хәстәлијинә хејирлидир.

Есфәндин (үзәрлик оту) мөҹүзәси...
Зејд ибн Әли ата бабаларындан нәгл едир ки, Пејғәмбәр (с) бујурур: Әҝәр әмр алмыш мәләк ону бир јерә чатдырмаса, есфәнд, онун будағы, јарпағы ҹүҹәрмәз. Онун јарпаг вә дәнләриндә шәфа вар, 70 хәстәлијә дәрмандыр. Ону кундурла бирликдә истифадә един... Һәзрәт (с) бујурур: Ким гырх ҝүн бир мисгал есфәнди су илә гәбул етсә гәлбиндә һикмәт јаранар, 70 хәстәликдән гуртулар. Бу хәстәлијин кичији ҹүзамдыр.

Нар јејин!
Һәзрәт Пејғәмбәр (с) бујурур: Елә бир нар јохдур ки, ондан беһишдән бир дән олмасын. Мән онун бир дәнәсини белә кәнара гојмамагда исрарлыјам. Давуд ибн Сүлејман Имам Ризадан (ә) о да Пејғәмбәрдән (с) нәгл едир: Нар јејин, онун һәр ҝиләси мәдәјә дахил оланда гәлб ишыгланыр, шејтаны гырх ҝүн бәдәндән говур... Һәзрәт Пејғәмбәр (с) бујурур: Нар јејәнин гәлби ишыгланар, вәсвәсә гырх ҝүн ондан узаг олар... Имам Садиг (ә) аҹ гарына нар јемәји төвсијә едир.

Ҝөзәл һәдијјә...
Әбузәр дејир ки, Һәзрәт Пејғәмбәрә (с) әнҹир һәдијјә ҝәтирмишдиләр. Һәзрәт сәһабәләринә әнҹир тәклиф едиб бујурду: Беһиштдән бир мејвә ҝәлдијини демәли олсам дејәрәм ки, бу мејвә әнҹирдир. Чүнки туму јохдур. Әнҹир бабасили сағалдыр, башга хәстәликләрә хејирлидир... Һәзрәт (с) бујурур: Тәзә вә гурудулмуш әнҹир јејин. О ҹинси габилијјәти артырыр, бабасили сағалдыр, сојуглуға гаршыдыр.


5350 بازدید
در حال ارسال اطلاعات...